Telugu News

హుజురాబాద్ ఎఫెక్ట్ – ఈటలను కలిసిన బ్రిటిష్ డిప్యూటీ హై కమిషనర్.

హుజురాబాద్ ఎఫెక్ట్.

0

హుజురాబాద్ ఎఫెక్ట్.

– ఈటలను కలిసిన బ్రిటిష్ డిప్యూటీ హై కమిషనర్.

(కరీంనగర్  ప్రతినిధి – విజయంన్యూస్) :-

హుజూరాబాద్‌లో సంచలన విజయం సాధించిన ఈటల రాజేందర్‌కి ప్రముఖులు శుభాకాంక్షలు తెలియజేస్తున్నారు. తాజాగా బ్రిటిష్ డిప్యూటీ హై కమిషనర్ ఆయనని కలిసి కంగ్రాట్స్ చెప్పారు. రాష్ట్రంలో రాజకీయ ప్రకంపనలు రేపిన హుజూరాబాద్ ఉప ఎన్నికపై అన్ని వర్గాలూ ఆసక్తిగా గమనించాయి. సీఎం కేసీఆర్ క్యాబినెట్ నుంచి బర్తరఫ్ అయిన మాజీ మంత్రి ఈటల రాజేందర్ బీజేపీలో చేరిన నాటి నుంచి రాజకీయం వేడెక్కింది. అప్పటి నుంచి సుమారు ఆరు నెలల పాటు సాగిన హోరాహోరీ పోరులో అంతిమ విజయం ఈటలనే వరించింది. భారీగా ధన ప్రవాహం జరిగిన ఈ ఎన్నికలో బీజేపీ అభ్యర్థిగా బరిలో నిలిచిన ఈటల రాజేందర్ ఘన విజయం సొంతం చేసుకున్నారు.

అధికార పార్టీకి ఎదురొడ్డి చారిత్రాత్మక విజయం సొంతం చేసుకున్న ఈటల రాజేందర్‌కి అన్ని వర్గాలు శుభాకాంక్షలు తెలుపుతున్నాయి. తాజాగా బ్రిటిష్ డిప్యూటీ హై కమిషనర్ డాక్టర్ ఆండ్రూ ఫ్లెమింగ్ ఈటల రాజేందర్‌‌కి శుభాకాంక్షలు తెలియజేశారు. బ్రిటిష్ కాన్సులేట్‌ లో డిప్యూటీ హై కమిషనర్‌  గా ఉన్న ఆండ్రూ ఈ రోజు ఈటల నివాసానికి వెళ్లి కంగ్రాట్స్ చెప్పారు. ఈ విషయాన్ని ఆయన ట్విటర్ వేదికగా పంచుకున్నారు. హుజూరాబాద్ ఉప ఎన్నికల్లో విజయం సాధించిన ఈటల రాజేందర్‌ని కలిసి శుభాకాంక్షలు తెలియజేశానని.. హుజూరాబాద్ ప్రజలు ఆయన్ను ఏడోసారి ఎమ్మెల్యేగా ఎన్నుకున్నారని ట్వీట్ చేశారు.

also read :- మల్కపల్లి గొత్తికోయగూడెం కార్డెన్ సెర్చ్.