ట్యాంక్ బండ్ పై ఐలమ్మ విగ్రహాన్ని ఏర్పాటు చేయండి

ట్యాంక్ బండ్ పై ఐలమ్మ విగ్రహాన్ని ఏర్పాటు చేయండి

== మంత్రి పువ్వాడకు వినతి చేసిన బీసీ సంక్షేమ సంఘం

== ప్రయత్నం చేస్తామని మాటిచ్చిన మంత్రి

(ఖమ్మం-విజయంన్యూస్):

ఖమ్మం లకారం ట్యాంకు బండపై తెలంగాణ రైతంగ సాయుధ పోరాట యోధురాలు , బహుజన కులాల కీర్తిని పతాక స్థాయికి చేర్చిన నిప్పు కనిక చాకలి ఐలమ్మ విగ్రహాన్ని ఏర్పాటు చేయాలని రాష్ట్ర రవాణా శాఖ మంత్రి పువ్వాడ అజయ్ కుమార్ కు జాతీయ బిసి సంక్షేమ సంఘం ఖమ్మం జిల్లా అధ్యక్షులు నారాయణవరపు శ్రీనివాస్ , చాకలి ఎస్సీ సాధన సమితి రాష్ట్ర అధ్యక్షురాలు కొత్తగుంట్ల లక్ష్మి, రజక సంఘం నాయకులు కొండలరావు , జాతీయ బీసీ సంక్షేమ సంఘం రాష్ట్ర ప్రధాన కార్యదర్శి మోడేపల్లి కృష్ణమాచారి, మహాత్మ జ్యోతిబాపూలే ఐడియాలజీ సొసైటీ అధ్యక్షులు పి విజయకుమార్, సీనియర్ బీసీ నాయకులు పోలీస్ వెంకన్న తో కలిసి వినతి పత్రాన్ని అందించారు . దీనిపై మంత్రి పువ్వాడ అజయ్ కుమార్ అనుకూలంగా స్పందిస్తూ ఈనెల 26న చిట్యాల ఐలమ్మ జయంతిని పురస్కరించుకొని ట్యాంక్ బండ్ పై విగ్రహాన్ని ఏర్పాటు చెయ్యడానికి నా సంపూర్ణ సహకారం ఉంటుందని తెలియజేశారని నాయకులు పేర్కొన్నారు.

ఇది కూడా చదవండి: చాకలి ఐలమ్మ జీవితం ఆదర్శం: మంత్రి పువ్వాడ

ఈ కార్యక్రమంలో జాతీయ బీసీ సంక్షేమ సంఘం జిల్లా వర్కింగ్ ప్రెసిడెంట్ లింగనబోయిన పుల్లారావు, మహిళా విభాగం జిల్లా అధ్యక్షురాలు శ్రీమతి నలమాస సుగుణ, గౌడ సంఘం రాష్ట్ర నాయకులు మరీదు శీను, యువజన విభాగం సత్తుపల్లి నియోజకవర్గ అధ్యక్షులు మరీదు ప్రసాదు, రజక సంఘం నాయకులు ముదిగొండ వెంకటప్పయ్య, జక్కుల రామారావు మరియు వివిధ కుల సంఘాల నాయకులు ప్రజాసంఘాల నాయకులు ఉన్నారు.