Telugu News

ఇంగ్లాండ్‌ టెస్టు కెప్టెన్‌గా బెన్‌స్టోక్స్‌ నియామకం

2013 నుంచి టెస్టుల్లో ఆడుతున్న బెన్‌స్టోక్స్‌

0

ఇంగ్లాండ్‌ టెస్టు కెప్టెన్‌గా బెన్‌స్టోక్స్‌ నియామకం

== 2013 నుంచి టెస్టుల్లో ఆడుతున్న బెన్‌స్టోక్స్‌

== మూడు ఫార్మాట్లలోనూ రెగ్యులర్‌ ప్లేయర్‌

== టెస్టుల కోసం ఐపీఎల్‌కి దూరమైన ఆల్‌రౌండర్‌

(ముంబయి-విజయంన్యూస్) :-
బెన్‌స్టోక్స్‌.. క్రికెట్‌లోని అన్ని ఫార్మాట్లలో అత్యుత్తమ ఆల్‌రౌండర్‌. ఇంగ్లాండ్‌కి 2019లో ఒంటిచేత్తో వరల్డ్‌కప్‌ని అందించిన బెన్‌స్టోక్స్‌.. అదే ఏడాది యాషెస్‌లోనూ గొప్ప పోరాట పటిమని కనబర్చాడు. ఇక అక్కడి నుంచి గత ఏడాది చివరి వరకూ అతనికి తిరుగులేకుండా పోయింది. ఇంగ్లాండ్‌ టెస్టు టీమ్‌ కెప్టెన్‌గా సీనియర్‌ ఆల్‌రౌండర్‌ బెన్‌స్టోక్స్‌ ఎంపికయ్యాడు. ఆస్ట్రేలియా గడ్డపై యాషెస్‌ సిరీస్‌ ఓటమి నేపథ్యంలో.. టెస్టు టీమ్‌ కెప్టెన్సీ బాధ్యతల నుంచి ఇటీవల జో రూట్‌ తప్పుకోగా.. బెన్‌స్టోక్స్‌కి కెప్టెన్సీ బాధ్యతలు అప్పగిస్తున్నట్లు ఇంగ్లాండ్‌ వేల్స్‌ క్రికెట్‌ బోర్డు (ఈసీబీ) ఈరోజు అధికారికంగా ప్రకటించింది.

also read :-ఇంటర్, పది పరీక్షలను ప్రణాళికాబద్ధంగా నిర్వహిచండి
2019లో ఇంగ్లాండ్‌ జట్టు వన్డే ప్రపంచకప్‌ని గెలవడంలో క్రియాశీలక పాత్ర పోషించిన బెన్‌స్టోక్స్‌.. అదే ఏడాది యాషెస్‌ సిరీస్‌లోనూ ఆల్‌రౌండర్‌గా అదరగొట్టేశాడు. ఇక ఫీల్డింగ్‌లోనూ బెన్‌స్టోక్స్‌కి తిరుగులేదు. మైదానంలోని ఏ ప్రదేశంలోనైనా అతను అత్యుత్తమంగా ఫీల్డింగ్‌ చేయగలడు. తాజాగా కెప్టెన్సీ కూడా రావడంతో.. 4%ణ% ప్లేయర్‌గా ఇకపై బెన్‌స్టోక్స్‌ని మనం చూడబోతున్నామని నెటిజన్లు అభిప్రాయపడుతున్నారు.

also read :-అక్రమ వెంచర్లపై చర్యలు తప్పవు

2013లో టెస్టుల్లోకి అరంగేట్రం చేసిన బెన్‌స్టోక్స్‌.. ఇప్పటి వరకూ 79 మ్యాచ్‌లాడి 35.89 సగటుతో 5061 పరుగులు చేశాడు. ఇందులో 11 సెంచరీలు, 26 హాఫ్‌ సెంచరీలు ఉన్నాయి. ఈ ఫార్మాట్‌లో అతని అత్యధిక స్కోరు 258 పరుగులు. అలానే బౌలింగ్‌లోనూ 174 వికెట్లు పడగొట్టిన బెన్‌స్టోక్స్‌.. నాలుగు సార్లు ఐదు వికెట్ల మార్క్‌ని అందుకున్నాడు. టెస్టుల్లో అతని అత్యుత్తమ బౌలింగ్‌ గణాంకాలు 6/22.
యాషెస్‌ సిరీస్‌ 2021-22లో బెన్‌స్టోక్స్‌ చెప్పుకోదగ్గ ప్రదర్శన కనబర్చలేకపోయాడు. అతనే కాదు.. ఇంగ్లాండ్‌ టీమ్‌ మొత్తం కూడా ఆ సిరీస్‌లో విఫలమైంది. దాంతో.. ఐదు టెస్టుల సిరీస్‌ని 4-0తో ఆస్ట్రేలియా చేజిక్కించుకోగా.. ఇంగ్లాండ్‌ టీమ్‌పై తీవ్ర స్థాయిలో విమర్శలు వ్యక్తమయ్యాయి. ఈ నేపథ్యంలో.. ఐపీఎల్‌ 2022 సీజన్‌కి కూడా దూరంగా ఉండిపోయిన బెన్‌స్టోక్స్‌.. బ్యాటింగ్‌, బౌలింగ్‌ని మరింత మెరుగు పర్చుకునేందుకు ప్రయత్నిస్తున్నాడు.