Telugu News

వర్షం నుంచి కరెంటు ఉత్పత్తి.. ఢిల్లీ IIT ఘనత.. ఎలా?

0

మనందరికీ తెలుసు… నీటి ద్వారా హైడ్రో ఎలక్ట్రిసిటీ (hydroelectricity) ఉత్పత్తి అవుతుందని. అందుకు టర్బైన్లు కావాలి. ఢిల్లీ IIT పరిశోధకులు ఓ పరికరాన్ని తయారుచేశారు. దాన్ని లిక్విడ్ సాలిడ్ ఇంటర్‌ఫేస్ ట్రైబో ఎలక్ట్రిక్ నానా జెనరేటర్ అని పిలుస్తున్నారు. ఇది వర్షపు నీరు, నీటి చుక్కలు, నీటి కాలువలు, సముద్రం నుంచి విద్యుత్ (electricity)ని ఉత్పత్తి చెయ్యగలదు. ఇందుకోసం ఈ పరికరం టర్బో ఎలక్ట్రిక్ ఎఫెక్ట్, ఎలక్ట్రోస్టాటిక్ ఇండక్షన్ విధానాలను ఉపయోగిస్తుంది. ఈ పరికరాన్ని చాలా తేలిగ్గా తయారుచేసారు. ఇందులో నానా కంపోజిట్ పాలిమర్స్, కాంటాక్ట్ ఎలక్ట్రోడ్స్ ఉన్నాయి.

ఈ పరికరం కొన్ని మిల్లీ వాట్ల (mw) పవర్‌ను ఉత్పత్తి చెయ్యగలదు. దాంతో చిన్న ఎలక్ట్రిక్ పరికరాలు.. అంటే వాచీలు, డిజిటల్ థెర్మోమీటర్లు, రేడియో ఫ్రీక్వెన్సీ ట్రాన్స్‌మీటర్లు, హెల్త్‌కేర్ సెన్సార్లు, పెడోమీటర్ల వంటి వాటిని రీఛార్జ్ చెయ్యవచ్చు. ఇదే పరికరంలో పీజో ఎలక్ట్రిక్ (piezoelectric effect) విధానాన్ని ఉపయోగిస్తే… ఈ పరికరం మరింత ఎక్కువ విద్యుత్‌ని జెనరేట్ చెయ్యగలదు.

పీజో ఎలక్ట్రిక్ విధానంలో… కొంత ఒత్తిడిని కలిగించడం ద్వారా… ఎలక్ట్రిక్ ఛార్జ్‌ని జెనరేట్ చెయ్యగలరు. ఐతే… IIT ఢిల్లీ పరిశోధకులు… వేస్టుగా ఉన్న మెకానికల వైబ్రేషన్‌తో ఎలా పవర్ ఉత్పత్తి చెయ్యాలి అనే అంశంపై పనిచేస్తున్నారు. ఇందుకోసం వారు ట్రైబో ఎలక్ట్రిక్ ఎఫెక్ట్ విధానాన్ని వాడుతున్నారు.