బస్తీ దవాఖానాలో మెరుగైన వైద్యం అందించాలి: మంత్రి పువ్వాడ

 బస్తీలోని పేదలకు ప్రతి నిత్యం మెరుగైన వైద్యం అందించాలనే సంకల్పంతో ప్రభుత్వం ప్రజలకు అందుబాటులో బస్తీ దవాఖానాలను ఏర్పాటు చేసిందని రాష్ట్ర రవాణా శాఖ మంత్రి పువ్వాడ అజయ్ కుమార్ అన్నారు. ఖమ్మం మున్సిపల్ కార్పోరేషన్ లోని  34వ డివిజన్ లో రూ. 27.50 లక్షల వ్యయంతో నూతనంగా ఏర్పాటు చేసిన బస్తీ దవాఖానాను, యోగ కేంద్రంలను మంత్రి శనివారం ప్రారంభించారు. ఈ సందర్భంగా ఆయన మాట్లాడుతూ, ప్రభుత్వం వైద్య రంగానికి అత్యంత ప్రాధాన్యత నిచ్చి, పేదవారికి ఉచిత వైద్య సదుపాయాలు అందుబాటులోకి తెచ్చిందన్నారు. కార్పొరేట్ స్థాయికి మించి ప్రభుత్వం వైద్య సేవలు, చికిత్సలు, శస్త్ర చికిత్సలు ఆందిస్తుందని ఆయన తెలిపారు. పేదలు, సామాన్యుల సౌకర్యార్థం ప్రభుత్వ ప్రధాన ఆసుపత్రిలో అన్ని అధునాతన సేవలు అందిస్తుందని వివరించారు. ప్రజలు ప్రభుత్వ వైద్యంను సద్వినియోగం చేసుకోవాలని మంత్రి అన్నారు.