షెడ్యూల్ విడుదలతోనే  కోడ్ అమలు

షెడ్యూల్ విడుదలతోనే  కోడ్ అమలు

== ఎన్నికల కోడ్ ప్రకటించిన తర్వాత..ఎన్నికల ప్రవర్తన నియమావళి అమలు

== అన్ని బంద్.. ఎన్నికల ప్రచారమే ఇంకా

(హైదరాబాద్ -విజయం న్యూస్)

ఎన్నికల సంఘం ఐదు రాష్ట్రాలకు షెడ్యూల్ ను విడుదల చేసింది.. తెలంగాణ రాష్ట్రంలో నవంబర్ 30న పోలింగ్ నిర్వహిస్తుండగా, డిసెంబర్ 3న ఫలితాలను విడుదల చేయనుంది. అంతేకాకుండా నవంబర్ 3న నోటిఫికేషన్, అదే రోజు నుంచి నామినేషన్ల ప్రక్రీయ ప్రారంభం కానుంది.. అయితే ఎన్నికల షెడ్యూల్ ప్రకటించిన అనంతరం ఎన్నికల ప్రవర్తన నియమావళి అమలులోకి వచ్చిందని ఈసీ ప్రకటించింది.  ఎన్నికల ప్రవర్తన నియమావళి అంటే ఏంటి..? నియమనిబంధనలు ఏ విధంగా ఉంటాయనేది చూద్దాం.

ఇది కూడా చదవండి: తెలంగాణలో నవంబర్ 30న పోలింగ్

*1.అధికార పార్టీ నేతలు అధికార దుర్వినియోగానికి పాల్పడకూడదు. పార్టీ పనులకు పాలన యంత్రాగాన్ని వినియోగించుకోకూడదు.*

*2.అధికార పర్యటనలు, పార్టీ ప్రచార పర్యటనలు రెండూ కలిపి ఉండకూడదు.*

*3.ముఖ్యమంత్రితో సహా ఎవరైనా సరే హెలికాప్టర్‌తోపాటు ఇతర ప్రభుత్వ వాహనాలను ఉపయోగించకూడదు. ఇంటి నుంచి కార్యాలయానికి, కార్యాలయం నుంచి ఇంటికి తప్ప మరే ఇతర పనులకు ప్రభుత్వ వాహనాలను ఉపయోగించకూడదు.*

*4.సెక్యూరిటీ వాహనాల్లోనూ మూడు కంటే ఎక్కువ వాడితే దాన్ని ఎన్నికల వ్యయం కింద సంబంధిత పార్టీ చూపించాలి.*

*5.ఎన్నికల షెడ్యూల్ వెలువడిన నాటి నుంచి ఎన్నికల వ్యయం అమల్లోకి వస్తుంది.*

ఇది కూడా చదవండి: ఐదు రాష్ట్రాలకు మోగిన ఎన్నికల నగారా

*6.ప్రభుత్వ వసతి గృహాలు, సభాస్థలిలు, హెలిప్యాడ్‌లు… తదితర సౌకర్యాలను కేవలం అధికారపార్టీ వారి వినియోగానికే కాకుండా ఇతర పార్టీలకూ అవకాశం కల్పించాలి.*

*7.పత్రికల్లో, టీవీల్లో ప్రభుత్వ సంక్షేమ కార్యక్రమాల ప్రచారానికి ప్రకటనలు ఇవ్వకూడదు.*

*8.టీవీల్లో ప్రకటనలు ఇచ్చే ముందు దానికి సంబంధించిన సీడీని ఎన్నికల సంఘం ఏర్పాటు చేసిన కమిటీకి చూపించి, అనుమతి పొందాలి.*

*9.ఎన్నికల నియమావళి వెలువడ్డాక ఎలాంటి గ్రాంట్లు, చెల్లింపులు చేయకూడదు.కొత్త పథకాలు ప్రకటించకూడదు.*

*శంకుస్థాపనలు చేయకూడదు.రహదారుల నిర్మాణం, తాగునీటి వసతులపై హామీలు ఇవ్వకూడదు.*