గడప గడపకు మువ్వా విజయ్…!

గడప గడపకు మువ్వా…!

== ప్రజా సమస్యలను తెలుసుకుంటు సాగిన యాత్ర

== 14వ డివిజన్ లో వాడవాడకు కాంగ్రెస్ పార్టీ ప్రచారం

(ఖమ్మం-విజయంన్యూస్):

 గడప గడపకు కాంగ్రెస్ పార్టీ ప్రచార కార్యక్రమాన్ని ఆ పార్టీ మెనిఫెస్టో కమిటీ సభ్యులు మువ్వా విజయబాబు 14వ డివిజన్ లో ఆదివారం నిర్వహించారు. డివిజన్ లోని ప్రతి గడపకు తిరుగుతూ కాంగ్రెస్ అధికారంలోకి వచ్చాక అమలు చేయబోయే సంక్షేమ పథకాలను కరపత్రాన్ని అందజేసి వివరించారు. వృద్ధులను, వికలాంగులను, మహిళలను, చిన్నారులను ఆప్యాయంగా పలకరించారు. వారి సమస్యలను అడిగి తెలుసుకున్నారు. అధికారం చేపట్టాక ఆ సమస్యల పరిష్కారానికి కృషిచేస్తామని హామీ ఇచ్చారు. ఈ సందర్భంగా మువ్వా మాట్లాడుతూ ఖమ్మం నియోజకవర్గ అభివృద్ధికి కాంగ్రెస్ పార్టీ కట్టుబడి ఉంటుందని తెలిపారు. ఎవరూ అధైర్యపడాల్సిన అవసరం లేదని రాబోవు మూడునెలల్లో కాంగ్రెస్ పార్టీదే అధికారమని పేర్కొన్నారు. అధికారంలోకి వచ్చాక నియోజకవర్గంలోని అన్ని ప్రధాన సమస్యలకు పరిష్కారం లభిస్తుందన్నారు

== పొంగులేటికి మువ్వా కృతజ్ఞతలు                                ఇదికూడా చదవండి: తెలంగాణ తల్లి సోనియమ్మ: పొంగులేటి 

ఖమ్మం : కాంగ్రెస్ పార్టీ మెనిఫెస్టో కమిటీలో తనను సభ్యునిగా నియమించడంలో సహకరించిన తెలంగాణ కాంగ్రెస్ ప్రచార కమిటీ కో ఛైర్మన్ పొంగులేటి శ్రీనివాస రెడ్డి కి మువ్వా విజయబాబు కృతజ్ఞతలు తెలిపారు. పొంగులేటిని ఆయన క్యాంపు కార్యాలయంలో ఆదివారం కలిసి పుష్పగుచ్చం అందజేశారు. తనపై నమ్మకముంచి ఇచ్చిన ఈ పదవికి చిత్తశుద్ధితో పనిచేసి న్యాయం చేకూరుస్తానని ఈ సందర్భంగా మువ్వా విజయబాబు పేర్కొన్నారు.