Telugu News

మంచంపై కూతురి శవం.. కనిపించని అల్లుడు, అసలేమైంది?

రంగారెడ్డి జిల్లా లో సంఘటన

0

మంచంపై కూతురి శవం.. కనిపించని అల్లుడు, అసలేమైంది?

(విజయం -రంగారెడ్డి)
అల్లారుముద్దుగా పెంచుకున్న కూతురు అత్తారింట్లో శవమై తేలింది. బిడ్డ మరణవార్త విని ఇంటికొచ్చిన తల్లిదండ్రులకు మంచంపై విగతజీవిగా కనిపించింది. కట్టుకున్న భర్త, అత్తమామలు పత్తాలేకుండా పోయారు. ఆమె ఆత్మహత్య చేసుకుందని అత్తింటి వారు చెబుతున్నారని.. వాళ్లే తమ బిడ్డను హత్య చేసి ఆత్మహత్యగా చిత్రీకరిస్తున్నారని మృతురాలి బంధువులు ఆందోళనకు దిగడంతో ఉద్రిక్తంగా మారింది. ఆమె ఆత్మహత్య చేసుకుందా? లేక మరేదైనా జరిగిందా? రంగారెడ్డి జిల్లాలో వెలుగుచూసిన ఈ విషాద ఘటన వివరాలు..
మండలం చిలుకూరు గ్రామానికి చెందిన రాజశేఖర్ రెడ్డికి శ్రావణి రెడ్డితో ఏడాది కిందట వివాహం జరిగింది. వారికి ఇటీవల ఓ పాప పుట్టింది. ఈ రోజు మధ్యాహ్నం శ్రావణి రెడ్డి చనిపోయిందని తెలియడంతో ఆమె తల్లిదండ్రులు, బంధువులు అత్తారింటికి చేరుకున్నారు. అయితే అప్పటికే ఆమె భర్త, అత్తమామలు ఇంట్లో లేకపోవడంతో మృతురాలి బంధువులు ఆందోళనకు దిగారు. తమ బిడ్డ ఆత్మహత్య చేసుకుందని చెబుతున్నారని.. అత్తింటి వారే చంపేసి ఆత్మహత్యగా చిత్రీకరిస్తున్నారని ఆరోపించారు. మృతురాలి బంధువులు ఆందోళనకు దిగడంతో పరిస్థితి ఉద్రిక్తంగా మారింది.

also read:- ఉర్స్ ఉత్సవం లో తీవ్ర ఉద్రిక్తత.. ఇద్దరు మృతి

తాము వచ్చేప్పటికి శ్రావణి రెడ్డి మంచంపై విగత జీవిగా పడి ఉందని ఆమె తరఫు బంధువులు చెబుతున్నారు. అదనపు కట్నం కోసం అత్తింటి వారు వేధింపులకు గురిచేస్తున్నారని.. దసరా పండుగకి వచ్చిన సమయంలో వీపుపై వాతలు కూడా ఉన్నాయని బంధువు తెలిపారు. దీపావళికి తమకు లాంఛనాలు కావాలని.. లక్ష రూపాయలు ఇస్తేనే ఇంటికి పంపుతామని వేధింపులకు పాల్పడుతున్నారని తమకు చెప్పినట్లు ఆమె ఆరోపించారు. తమకు న్యాయం కావాలంటూ ఆ ఇంటి వద్దే ఆందోళనకు దిగారు. పరారైన ఆమె భర్త, అత్తమామలను తమకు అప్పజెప్తేనే శవాన్ని ఇక్కడి నుంచి తరలిస్తామని భీష్మించారు.

సమాచారం అందుకున్న పోలీసులు వెంటనే సంఘటన స్థలానికి చేరుకుని పరిస్థితిని సమీక్షించారు. మృతురాలి కుటుంబ సభ్యులతో మాట్లాడారు. ఆందోళన చేస్తున్న బంధువులకు నచ్చజెప్పే ప్రయత్నం చేశారు. పండగకి పుట్టింటికి వెళ్దామనుకున్న శ్రావణి రెడ్డి అనూహ్యంగా శవమై తేలడం మిస్టరీగా మారింది. అత్తారింటి వేధింపులు భరించలేక ఆమె ఆత్మహత్య చేసుకుందా? లేక మరేదైనా జరిగి ఉంటుందా? అనే అనుమానాలు వ్యక్తమవుతున్నాయి. పోలీసులు కేసు నమోదు చేసుకుని దర్యాప్తు చేపట్టారు. విచారణలో అసలు నిజాలు నిగ్గుతేలాల్సి ఉంది.

also read :-ఓటుకు ఆరువేలు.. పండగే పండగ