Telugu News

హుజూరాబాద్‌లో కరోనా టెన్షన్ విజయం డైలీ

0

విజయం డైలీ:

తెలంగాణలో కరోనా కేసులు తగ్గుతున్నా హుజూరాబాద్ నియోజకవర్గంలో మాత్రం కరోనా విజృంభణ కొనసాగుతోంది. నిత్యం పాజిటివ్‌ కేసుల సంఖ్య పెరుగతూ .. జనాలను టెన్షన్‌ పెడుతోంది. హుజూరాబాద్‌ నియోజకవర్గంలో త్వరలోనే ఉప ఎన్నిక జరగనుంది. పలు పార్టీలు ఇప్పటి నుంచి ప్రచార పర్వం ప్రారంభించాయి. జోరుగా ప్రచారం నిర్వహిస్తున్నారు. నిత్యం మీటింగ్‌లు సమావేశాలు అంటూ కార్యకర్తలతో హడావుడి చేస్తున్నారు. ఈ క్రమంలో జనం కూడా వందలాదిమందిగా గుమిగూడుతున్నారు. కరోనా నిబంధనలు ఏ మాత్రం పాటించడం లేదు.

సోషల్‌ డిస్టెన్స్‌ పాటించకుండా.. మాస్క్‌లు ధరించకుండా ఎవరికి వారు తిరుగుతున్నారు. మరోవైపు కరోనా వచ్చిన వారు సైతం బయటకు వస్తుండటంతో .. వైరస్‌ భయం మరింత ఎక్కువవుతోంది. హుజురాబాద్‌ నియోజకవర్గంలో కరోనా కేసులు పెరుగుతుండటంతో.. వైద్య శాఖ అలర్ట్ అయ్యింది. సీఎం కేసీఆర్ ఆదేశాలతో.. జిల్లాలో కోవిడ్ స్థితి గతులను తెలుసుకోవడానికి .. ఆరోగ్య శాఖ బృందం పర్యటించింది. గత వారం రోజుల క్రితం ఆరోగ్య శాఖ బృందం పర్యటించింది. హెల్త్ డైరెక్టర్ శ్రీనివాసరావు హుజురాబాద్‌లో పర్యటించి.. కోవిడ్ వ్యాప్తి హాస్పిటల్లో సౌకర్యాలపై ఆరా తీశారు. అలాగే మెడికల్ అధికారులతో సమీక్షా సమావేశం నిర్వహించారు. అంతేకాకుండా అందరికి వ్యాక్సినేషన్ ఇవ్వడానికి అధికారులు ఏర్పాట్లు చేస్తున్నారు. మొదటి రెండో డోస్ వ్యాక్సినేషన్ ఎలిజిబులిటి ఉన్న వారందరికీ .. నాలుగైదు రోజుల్లో వ్యాక్సిన్ ఇవ్వడానికి సిద్ధమవుతున్నారు.